لڑکی کے ماں باپ کے ذریعہ عصمت دری کے مجرمین سے پیسے لیکر معاملہ رفع دفع کرنے کا الزام

آج پورے ملک میں جہاں ایک طرف عصمت دری کے مجرم کو سخت سے سخت سزا دینے کے قانون پر بات چل رہی ہے وہیں دوسری طرف دہلی سے ایک ایسی خبر آئی ہے کہ جسکو سن کر ہر ماں باپ کا سر شرم سے جھک جائیگا- دنیا کا ہر ماں باپ اپنی آخری سانس تک مجرم کو سزا دلانے کے لئے اپنی ہر کوشش کرتا ہے-

پچھلے سال اگست میں دہلی سے ایک لڑکی اچانک غائب ہو گئی تھی- سات دن کے بعد جب لڑکی واپس آئی تھی تو بتایا تھا کہ اسکو اغوا کر لیا گیا تھا اور اس دوران  اسکے ساتھ عصمت دری بھی کی گئی- لڑکی کے بیان کے مطابق دہلی پولیس نے دو لوگوں کو گرفتار کیا تھا- آج وہ لڑکی ایک بار پھر اسی پولیس کے سامنے کھڑی ہے- اس بار اسکا الزام ہے کہ اسکے ماں باپ مجرمین سے پانچ لاکھ روپیہ لے کر معاملہ رفع دفع کرنے پر مجبور کر رہے ہیں- لڑکی کی شکایت پر پولیس نے اسکی ماں کو گرفتار کر لیا ہے جبکہ باپ فرار ہے- لڑکی کی ہمت کو سلام-

(دکن کرونکل سے لیا گیا)

___________________________________________________________